Tuesday, April 7, 2015

விமர்சனம்

முள்ளிவாய்க்கால் பேரவலம் முடிந்து இன்று பல ஆண்டுகள் கடந்த நிலையில் இன்று எம்மில் பலர் விடுதலைப்போராட்டத்தை வெளிப்படையாகவே கொச்சைப்படுத்தும் செயற்பாடுகளில் ஈடுபட்டு வருகின்றனர். அந்த வகையில் ஏற்ப்பட்ட ஓர் விவாதத்தின் மீதான எதிர்வினை......

என்னைப்பொறுத்தவரை இவர்களுக்கு வரலாறு தெரியாமல் இல்லை. தெரிந்தும் தெரியாதது போல் இருக்கிறார்கள். தங்கள் வாதத்திற்க்கு ஏற்றவாறு வராலாற்றின் சில பகுதிகளை மட்டும் வைத்து தமது வாதங்களை வைக்கின்றனர்.  உதாரணமாக நீலன் திருச்செல்வம் , கதிர்காமர் , அமிர்தலிங்கம் ,துரையப்பா போன்றோருக்காக உருகும் இவர்கள் கண்களுக்கு குமார் பொன்னம்பலம் , ரவிராஜ், ஜோசப் பரராசசேகரம் , தினமுரசு குகன், தாரகி போன்றோர் தெரிவதில்லை அல்லது மறந்துவிடுகின்றனர்.

யாரோ பெயர் தெரியாதவன்  , அவன் என்ன காரணத்திற்காக சுடப்பட்டான் என தெரியாமலே விடுதலை புலிகள் மீது குற்றம் சுமத்தும் இவர்களுக்கு தங்கள் கண்முன்னே  இறந்த அல்லது இவர்களுக்கு தெரிந்த நண்பர்களின் உறவினர்களின் வலியிலும் வேதனையிலும் பங்கேற்க்கும் துணிவுகூட இல்லாதவர்கள்  அல்லது அவர்களின் கொள்கைகளை கிண்டலடித்து அவர்களுக்கு மேலும் மனவேதனை மட்டுமே உருவாக்கும் புண்னியவான்கள்.

இவர்களை புரிந்துகொள்ளுதல் மிகசுலபம்.....

எமது சமூகம் இரண்டாக பிரிந்துகிடக்கின்றது.

முதல் வகையினர் ..........இலங்கை அரசபயங்கரவாததினால் நேரடியாகவோ அல்லது மறைமுகமாகவோ பாதிப்புக்குள்ளானவர்கள். அவர்கள் காலம் காலமாய் அவலங்களை சுமந்து தங்கள் அவலங்களுக்கான ஒரே தீர்வு தமிழிழம் ஒன்றே என்பதை  எத்தனை முள்ளிவாய்கால்கள் வந்தாலும் உறுதியாய் நம்புவர்கள்.  இவர்களின் கனவுக்கு வடிவம் கொடுத்தவர்கள் விடுதலை புலிகள் என்பதால்  அவ்வியக்கத்தை கேள்விகளுக்கு அப்பால் உறுதியாய் ஆதரிப்பவர்கள்.

இவர்களின் நோக்கம் மிகவும் தெளிவானது. அதனால் இவர்கள். சிறு சிறு சலசலப்புகளை கண்டு துவண்டுவிடமாட்டார்கள்.........

தங்களின் அவலங்கள் எதிர்கால தங்களின் சந்ததியினரும் ஏற்படுவிடக்கூடாது என்பதில் மிகத்தெளிவாய் இருப்பவர்கள்.....

ஓர் விடுதலை இயக்கத்தை உருவாக்கி , தாங்கள் விரும்பிய தமிழிழத்தின் மாதிரியை உருவாக்கி அதற்க்குள் வாழ்ந்து பார்த்தவர்கள்.....

இரண்டாவது வகையினர்  ...........தம்மை நடு நிலையினராய் முன்னிறுத்துவர்கள். இவர்கள் போர் காலத்தின் போதும் அதற்க்கு பின்னரும் எவ்வகையிலும் பாதிக்கப்படாதவர்கள்.  அரசாங்க உத்தியோகத்திலோ , வெளிநாடுகளில் இருந்தோ வருவாயை பெற்றுக்கொண்டு ஒரு உயர்தர வாழ்க்கைக்கு தம்மை பழக்கபடுத்திக்கொண்டோர். இவர்கள்  தமிழிழத்தின் தேவையை உளமார உணர்ந்தவர்களிள்லை.  இவர்கள் கேள்விகள்  கேட்க மட்டுமே தெரிந்தவர்கள். தங்களுக்காய்  எந்த ஒரு அரசியல் தலைமையும் உருவாக்கிகொள்ளும் தகமைகூட இல்லாமல் முதலாவது  வகையினர் உருவாக்கிய விடுதலை இயக்கத்தின் மீது முட்டையில் மயிர்புடுங்கும் வேலையை செவ்வனே செய்ய மட்டுமே தெரிந்தவர்கள்.

இன்று  போர்முடிந்து  5வருடங்கள் முடிந்த  நிலையிலும்  விடுதலை புலிகளை வைத்தே அரசியல் பேசி எந்த விதமான ஆக்கபூர்வமான காரியங்களிலும் ஈடுபடாது வெறும் வாய்பேச்சு வீரர்களாய் உலவும் உத்தமர்கள்.........

இவர்களுக்கு இலங்கை அரசு எதிரியும் இல்லை ஆனால் நண்பனும் இல்லை என்னும் இரண்டான் கெட்டான் நிலை. ஒரு விதமான திருசங்கு நிலையினர்.....

விடுதலை  புலிகள்  விமர்சனத்திற்க்கு அப்பாற்பட்டவர்களா?

இல்லை , விடுதலை புலிகள் மீதும் தவறுகள் உள்ளன , 1995ம் ஆண்டுவரை அது ஒரு இராணுவ இயக்கமாக மட்டுமே இருந்தது , வன்னி நோக்கிய 1995ம் ஆண்டின் இடப்பெயர்வின் பின்  அது தன்னை ஒர் மக்கள் இயக்கமாக மாற்றிக்கொண்டது.  அதன்  பின்னர் எதிரியின் உளவாளிகளுக்கான  தண்டனை இராணுவ நீதிமன்றமே தீர்மானித்தது.......

முதல் முறையாக முஸ்லீம் மக்கள் வெளியேற்றதிற்காக மன்னிப்புக் கோரியது.....  இவ்வாறு தவறுகளில் இருந்து தன்னை திருத்திக்கொண்டு ஒர் புதிய பாதையில் பயணித்தது.....

விடுதலை புலிகளின் மீதான இன்னோரு விமர்சனம் TELO மீதான தாக்குதல்....

இதுவும் விமர்சனக்களுக்கு அப்பால் ஓரு தவறான முடிவே!... அவர்கள்  தாக்குவதற்க்கு தயராய் இருந்தார்கள் அதனால் விடுதலை புலிகள் முந்திக் கொண்டார்கள் என்பது  விடுதலை புலிகளின் வாதமாய் இருந்தாலும் அதை இவ்வளவு கடுமையாக செய்திருக்க வேண்டியதில்லை.....

TELO வின் கீழ் மட்ட போரளிகள் பலர் தமிழீழம் எனும் கனவுடனேயே ஆயுதம் ஏந்தினர்....  அவர்கள் கொல்லப்பட்டு வீதிகளில் எரிக்கப்பட்டது எவ்வகையிலும் எற்புடையதல்ல........


புலிகளின் தவறுகளை முன்னிறுத்தி  தங்களை மனிதநேய ஆர்வலர்களாக  நிலைநாட்ட முற்படுபவர்கள்  பாதிக்கப்பட்ட மக்களுக்காக  உழைக்க  முன்வருவார்களானல் அது பாராட்டுக்குரியது. அதைவிடுத்து  கேள்வி கேட்டு பரிசில் வாங்கும் புலவர்களாக மட்டும் இருந்தால் அது வேதனைகுரியதே!........

ஆயுதம் ஏந்தி போராடியவன் மட்டுமே விடுதலையை நேசிக்க வேண்டும் எனும் கருத்தை நான் ஒரு விவாத பொருளாகவே எடுத்துக்கொள்ளவே விரும்பவில்லை எனென்றால் என்னைப்பொறுத்தவரை அது ஒரு குதர்க்கம்.  எந்த அடிப்படையும் அற்றது.....

இறுதியாக விடுதலையின் பொருள் தெரியாதோர் , அடுத்தவரின் மனவலிகளை உணர்ந்து கொள்ளும்  பக்குவமற்றோர் யாராயினும் உங்களால் முடியாவிட்டால் ஒதுங்கி விடுங்கள்.

போகும் பாதையும் இலட்சியமும் எங்களுக்கு தெளிவானது........

No comments: